શ્રી પ્રગતિ યુવક મંડળ પારસા સંચાલિત કે .આર. પટેલ એન્ડ એમ. એમ . પટેલ સાર્વજનિક હાઈસ્કૂલ પારસા, તા :- માણસા, જિ:- ગાંધીનગર ખાતે શાળાના આચાર્ય શ્રી પ્રવિણભાઈ એસ. પટેલની આગેવાની હેઠળ સ્વામી વિવેકાનંદ જન્મજયંતી અંતર્ગત “સ્વામી વિવેકાનંદ રમતોત્સવ” યોજવામાં આવ્યો. જેમાં માણસા તાલુકા પંચાયત પ્રમુખ શ્રી પ્રિયંકાબેન એચ. પટેલ, માણસા તાલુકા પંચાયત કારોબારી ચેરમેન શ્રી ભરતભાઈ વી. ચૌધરી તેમજ સ્વામી વિવેકાનંદ ગુજરાત રાજ્ય યુવા બોર્ડ ગાંધીનગર જિલ્લા કોઓર્ડીનેટર શ્રી દિક્ષિતભાઈ પટેલ ઉપસ્થિત રહ્યા હતા. પ્રાર્થના તેમજ પુષ્પગુચ્છ અને મોમેન્ટોથી મહેમાનોના સ્વાગત બાદ ઝંડો ફરકાવીને રમતોત્સવ ખુલ્લો મુકવામાં આવ્યો. શાળાના વિદ્યાર્થીઓએ પરંપરાગત રમતો જેવીકે લંગડી, ગીલ્લી ડંડો, સત્તોડીયું, સંગીત ખુરશી, રસ્સા ખેંચ અને લીંબુ ચમચીમાં મોટી સંખ્યામાં ભાગ લીધો. શાળાના શિક્ષકોએ પ્રત્યેક રમતમાંથી મૂલ્યાંકન કરી વિદ્યાર્થીઓને પ્રથમ, દ્વિતીય અને તૃતીય ક્રમાંક આપી પ્રોત્સાહિત કર્યા. ગુજરાત રાજ્ય યુવા બોર્ડ ગાંધીનગર જિલ્લા કોઓર્ડીનેટર શ્રી દિક્ષિતભાઈ પટેલ સાહેબે પણ શાળા અને શિક્ષકોનું મૂલ્યાંકન કરી શાળાના આચાર્યશ્રી પ્રવિણભાઈ એસ. પટેલ, ઉચ્ચતર વિભાગમાંથી શ્રી રાકેશભાઈ કે. પટેલ, શ્રી તેજલબેન એ. વ્યાસ અને માધ્યમિક વિભાગમાંથી શ્રી ધનવાનસિંહ બી. ચૌહાણને શ્રેષ્ઠ કામગીરી બદલ પ્રમાણપત્રો એનાયત કર્યા
અહેવાલ દિપક વ્યાસ
